Ingi Samuelsen

17.01.2017 - 14:05

Italska stórfelagið, Juventus, hevur fingið nýggjan samleika. At júst hetta felagið broytir sítt logo er ein stórhending í fótbóltsheiminum, tí júst Juventus er tað mest ikoniska og stílskapandi fótbóltsfelagið í Evropa.

Fyri einum ári síðani boðaði Andrea Agnelli frá, at tey fóru at broyta útsjóndina. Tey skuldu brúka eitt ár upp á gransking til tess at finna rætta úttrykkið. Í gjárkvøldið var so avbjóðingin í sambandi við stóru mótavikuna í Milano.

Úrslitið er ein skjøldur við einum ’J’.

Sum sæst á filminum, ið er gjørdur til leyslatingina, liggur helst nógv hugsan aftanfyri, hóast tað í fyrstu atløgu ikki sæst í nýggja merkinum. Og tað er eisini orsøk til, at broytingin hevur skapt mikla øsing millum Juventus-fjepparar, ikki bert í Italia, men kring allan heim.

Nýggja búmerkið er eitt súmboð umm på ”the Juventus way of living”, verður sagt

Siðbundna italska felagið við sínum eyðkendu svørt-hvítu rípum, verður á mannamunni kallað La Veccia Signora – gamla kvinnan. Sum búmerki/skjøldur hevur felagið higartil havt strípur við navninum og so eini mynd av eini illum tarvi standandi á bakbeinunum. Tarvurin er ímyndin hjá heimstaðnum, Torinu. Undan tí var djórið á skjøldrinum ein zebra, sum framvegis er maskotturin hjá felagnum.

Sigast má, at nýggja búmerkið ikki endurspeglar nakað av hesum sterku ímyndunum hjá felagnum.